На турбазе на Львоўшчыне масава атруціліся дзеці
Доктар, ілюстрацыйнае фота
Масавае атручэнне дзяцей адбылося на дзіцячай турбазе "Карпаты", паведамляе hromadske.ua. Установа размяшчаецца ў Стрыйскім раёне Львоўскай вобласці Украіны.
У бальніцу былі дастаўленыя не менш як 23 чалавекі з сімптомамі вострай кішэчнай інфекцыі. Усе яны — дзеці ва ўзросце ад 10 да 16 гадоў.
Сярод асноўных сімптомаў называюцца агульная слабасць, павышэнне тэмпературы цела, боль у жываце, млоснасць, ваніты. Стан хворых ацэньваецца як сярэдняй цяжкасці.
