На волю выйшаў палітвязень, асуджаны за словы "Избавь нас от лукавого"

Пасля месячнага арышту на волю выйшаў брэсцкі палітвязень Андрэй Леванюк, паведамляюць праваабаронцы "Вясны".

7 красавіка ў Маскоўскім судзе Брэста яго асудзілі на адзін месяц арышту. Хлопца прызналі вінаватым у апаганьванні збудаванняў і псаванні маёмасці (артыкул 341 Крымінальнага кодэксу). 

Нагодай для суда стала тое, што Леванюк напісаў фарбай на фасадзе аднаго з дамоў цытату з хрысціянскай малітвы “Но избавь нас от лукавого”. Шкода была ацэненая ў 51 рубель 99 капеек. Як заявіў бок абвінавачання, гэты надпіс пагоршыў “эстэтычнае ўспрыманне” будынка.

Пакаранне ў брэцкім СІЗА №7 Леванюк пачаў адбываць 14 чэрвеня, а 14 ліпеня выйшаў на волю.