На журналіста Алеся Леўчука пачалі крымінальную справу за "абразу Лукашэнкі"
Алесь Ляўчук (з мікрафонам) / фота з яго старонкі ў Фэйсбуку
У Беларусі на журналіста Алеся Леўчука, які цяпер жыве ў Польшчы, пачалі крымінальную справу. Яму інкрымінуюць "абразу Лукашэнкі", перадае "Белсат".
Нагодай стаў адзін з допісаў журналіста на яго старонцы ў Фэйсбуку. Там Ляўчук сярод іншага пераказаў словы Лукашэнкі:
"Лукашэнка ніколі ні пры якіх умовах не аддасць уладу. Для гэтага яго трэба забіць (ён пра гэта сам сказаў)".
Справу журналіста вядзе Жабінкаўскі раённы аддзел Следчага камітэта. У бацькі Леўчука правялі ператрус.
