Насупраць беларускай амбасады ў Вільні з'явіцца фрэска з партрэтам Бяляцкага
![Так будзе выглядаць партрэт Алеся Бяляцкага ў Вільні / LRT.lt](/sites/default/files/styles/gallery_main/public/2023-08/freska-1912-2.jpg.webp?itok=8d-mgRfo)
Так будзе выглядаць партрэт Алеся Бяляцкага ў Вільні / LRT.lt
У Вільні пачалося стварэнне вялікай фрэскі-партрэта беларускага праваабаронцы Алеся Бяляцкага. Як піша LRT.lt, партрэт Бяляцкага будзе глядзець на беларускую амбасаду з фасада прагімназіі Сімона Даўкантаса.
Праект ініцыяваны Міністэрствам замежных спраў Літвы. Ідэю падтрымалі паплечнікі зняволенага праваабаронцы з цэнтра "Вясна". Намалююць мурал мастакі з лабароторыі "Kiaurai sieńs" і калектыву "Gyva Grafika".
Працу над фрэскай плануюць скончыць да серады.
Зняволены праваабаронца Алесь Бяляцкі стаў адным з лаўрэатаў Нобелеўскай прэміі міру за 2022 год.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.