Ніла Гілевіча пахавалі на Кальварыйскіх могілках (фота)
Народнага паэта Беларусі Ніла Гілевіча пахавалі на Кальварыйскіх могілках у Мінску, побач з жонкай. Перад пахаваннем у Свята-Петрапаўлаўскім саборы прайшло развітанне з паэтам і паніхіда па памерлым.
На жалобнай цырымоніі прысутнічалі блізкія, паплечнікі, прыхільнікі творчасці паэта, апазіцыйныя актывісты і палітыкі, а таксама буйныя беларускія чыноўнікі.
Ніл Гілевіч памёр 29 сакавіка на 85-м годзе жыцця. Ён быў апошнім патрыярхам беларускай літаратуры і народным паэтам, які жыў сярод нас.
