Па Семежаве прайшліся "Калядныя цары" (фотарэпартаж)

Па традыцыі, раз у год на Шчодры вечар маладыя мужчыны пераўтвараюцца ў сапраўдных "цароў". Яны наведваюць дамы вяскоўцаў і разыгрываюць драму “Цар Максіміліян”. У калядных паходах прымаюць удзел і мясцовыя фальклорныя героі — Дзед і Баба.

Пасля прадстаўлення адбываецца традыцыйнае віншаванне гаспадароў дома, якія шчодра адорваюць удзельнікаў абраду. З надыходам цемры “цары” запальваюць паходні, што надае дзеі незвычайную відовішчнасць.