Пад Барысавам руйнуюць 400-гадовы касцёл

У мястэчку Зембін пад Барысавам зносяць касцёл з 400-гадовай гісторыяй, які лічыцца гісторыка-культурнай каштоўнасцю, піша Sputnik.

Будынак знаходзіцца ў аварыйным стане. Сёлета ў красавіку адна з яго сцен абвалілася ад моцнага ветру. На гэтым тыдні будынак пачалі разбураць.

Ад ідэі рэстаўраваць касцёл адмовіліся. Адзінае, што захаваюць — скульптуру Панны Марыі. Падчас зносу касцёла яе часова перадалі ў музей.

Мясцовы ксёндз просьбу ў гарвыканкам, каб скульптуру перадалі парафіянам, за чые сродкі яе плануецца адрэстаўраваць.

На месцы касцёла мяркуюць паставіць "маленькую каплічку".

Касцёл дзейнічаў да 1932 года, потым яго зачыніла савецкая ўлада. З таго часу будынак не выкарыстоўваўся. У 2010 годзе барысаўскія ўлады хацелі знесці касцёл, аднак валанцёры перашкодзілі руйнаванню. Аднак нічога дзеля захавання будынка ад далейшага разбурэння не рабілася.