Памежнікі: курдскую журналістку не затрымлівалі, а проста не пусцілі ў Беларусь
Памежны камітэт абверг звесткі пра затрыманне ў аэрапорце журналісткі курдскага тэлеканала NRT Ж'ян Алі.
У каментары "Спутнику" памежнікі заявілі, што журналістцы проста адмовілі ва ўездзе на тэрыторыю Беларусі. Прычынай называецца адсутнасці у яе акрэдытацыі замежнага журналіста пры МЗС.
Як паведамляла Еўрарадыё, журналістка Ж'ян Алі прыляцела ў Беларусь, каб асвятляць сітуацыю з мігрантамі на беларуска-польскай мяжы. Вялікую іх частку складаюць курды.
