Памёр вядомы італьянскі футбаліст Сальваторэ Скілачы
Сальваторэ Скілачы / ČTK
Памёр вядомы італьянскі футбаліст Сальваторэ Скілачы. Як піша gazzetta.it, у апошнія гады ён змагаўся з ракам, перанёс дзве аперацыі. Нядаўна яго шпіталізавалі ў бальніцу Палерма. Скілачы было 59 гадоў.
У 1990-м Сальваторэ Скілачы быў прызнаны найлепшым футбалістам і бамбардзірам чэмпіянату свету. У складзе зборнай Італіі ён тады стаў бронзавым прызёрам. Форвард гуляў за такія вядомыя клубы, як "Ювентус" і "Інтэр". Ён завяршыў кар'еру ў 1997 годзе ў няпоўныя 33 гады з-за пастаянных боляў у спіне. Пасля гэтага адкрыў футбольную школу ў Італіі.
