Пасля акцыі са свінымі галовамі затрымалі Паўла Вінаградава

Акцыю са свінымі галовамі на плошчы Якуба Коласа правялі актывісты "Zмены" — моладзевага крыла грамадзянскай кампаніі "Гавары праўду!". Лідар “Zмены” Павел Вінаградаў пасля заканчэння акцыі нават не паспеў даехаць да дому, як яго затрымалі.

Святлана Вінаградава зараз спрабуе знайсці мужа ў адным з аддзяленняў Мінска. Яна паведаміла Еўрарадыё, што, са словаў супрацоўнікаў Маскоўскага РУУС, актывіста павезлі ў Савецкі РУУС — па месцы правядзення акцыі.

Гэтае затрыманне пасля акцыі — не першае ў жыцці Паўла Вінаградава. Раней яго затрымлівалі і каралі адміністратыўным арыштам пасля акцыяў з цацкамі, што трымалі плакаты палітычнага зместу ў розных кропках Мінска.

Удзельніца акцыі

Затрыманы Вінаградаў

Фота: belsat.eu.