Пасля хакейнага матча Лукашэнка шпурляў маладым хакеістам цацкі

14 снежня каманда Аляксандра Лукашэнкі выйграла трэці матч на сёлетнім хакейным турніры аматараў на прызы прэзідэнцкага спартовага клуба. Сёння была разгромленая Гродзенская вобласць — 11:2.

Пасля матча Лукашэнка пад'ехаў да трыбуны, дзе сядзелі маладыя хакеісты, і пачаў шпурляць ім мяккія цацкі. Агароджа ў хакейнай пляцоўкі даволі высокая, таму выглядала гэта даволі дзіўна. 

У тэлеграм-канале "Пул Первого", звязаным з Адміністрацыяй прэзідэнта, назвалі "прыгожай традыцыяй": "Пасля ж дзеці гадамі будуць памятаць, што гэта — ад 01". Маецца на ўвазе, што Лукашэнка грае пад першым нумарам. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.