Пайшоў з жыцця праваабаронца з Баранавічаў Сяргей Гоўша
Сяргей Гоўша / spring96.org
Ва ўзросце 73 гадоў пайшоў з жыцця праваабаронца з Баранавічаў Сяргей Гоўша. Ён быў адным з найстарэйшых сябраў праваабарончага цэнтру “Вясна” — з 1997-га года, гаворыцца на сайце арганізацыі:
— Не шкадуючы ні сілаў, ні свайго вольнага часу, аказваў дапамогу землякам, абараняў іх на судовых працэсах, дапамагаў абскардзіць несправядлівыя рашэнні ў вышэйшых інстанцыях.
Праваабаронца няўрымсліва адстойваў права беларусаў на свободныя і празрыстыя выбары, шанаваў і абараняў беларускую мову.
Сяргей Гоўша за сваю дзейнасць пераследаваўся ўладамі, ён неаднаразова затрымліваўся міліцыяй.
Рэдакцыя Еўрарадыё выказвае спачуванні сям'і і блізкім праваабаронцы.
