Першую праграму новага сезона Top Gear паглядзела 4,4 мільёна чалавек (відэа)

На экранах ВВС2 29 траўня выйшаў новы эпізод абноўленага тэлешоў Top Gear пасля таго, як сышлі Джэрэмі Кларксан, Рычард Хэманд, Джэймс Мэй.

Гэтыя шоўмены цяпер ствараюць свой варыянт перадачы. Ён будзе называцца The Grand Tour і выйдзе ўжо гэтай восенню на Amazon Prime.

Новы Top Gear выйшаў з Мэтам Лебланам, Крысам Эвансам і суперсакрэтным кіроўцам-выпрабавальнікам Стыгам.

На тэлеканале паведамілі, што праграма прыцягнула агулам 4,4 млн гледачоў. Эванс з гэтай нагоды напісаў у сваім твітары:

“Аўдыторыя Top Gear вырасла цягам гадзіны. Гэта факт. Выйграла гэтую пазіцыю. Гэта факт. І дагэтуль нумар 1 у iPlayer. Гэта факт. Гэта ўсё фактычныя людзі”.

Top Gear audience grew throughout the hour. FACT. Won its slot. FACT. Still number one on i Player. FACT. These are THE FACTS folks.
— Chris Evans (@achrisevans) May 30, 2016

Аналітыкі ВВС пішуць, што новая праграма сапраўды вылучалася старанна прадуманым аповедам, добра выбудаванай сюжэтнай лініяй з дыялогаў і жартаў.

Але рэакцыя людзей была не такой вясёлай, як чакалася. На гэты твіт Крыса Эванса адказвалі прыблізна такім чынам:

“Гэта былі факты сабачага лайна”, — піша адзін карыстальнік.

@achrisevans it was dogshit FACT
— the teflon don. (@barton_cfc) May 30, 2016

“Людзям было проста цікава. ФАКТ. Вы былі найгоршай часткай шоу. Вы павінныя сысці ў адстаўку дзеля яго будучыні. ФАКТ”, — піша іншы.

@achrisevans People were just curious. FACT. You were the worst part of the show. You need to step down for the good of its future. FACT.
— . (@___Q__) May 30, 2016

“Людзі мусяць паглядзець на першы эпізод, каб меркаваць пра яго. Гэта факт. Вы не можаце казаць пра свой поспех па выніках праглядаў першага эпізоду. Гэта факт!” — піша яшчэ адзін карыстальнік.

@achrisevans People have to watch the first one to judge it FACT. You cannot base the success on episode one FACT
— Dan Bennett (@DanBennett) May 30, 2016

Але былі і станоўчыя каментары.

“Нашмат лепей, чым з дурнаватым Кларксанам”, — піша карыстальнік.

@theribman @achrisevans much better than the numpty Clarkson!
— @sportsem (@sportsem) May 30, 2016

“Усё ж лепей, чым папярэдні стос самаўлюбёнцаў. Раней не быў прыхільнікам Крыса Эванса, але пакуль усё не так кепска”.

@achrisevans Anything is better than the previous bunch of self-opinionated smug oiks. Previously not one of your fans but so far so good.
— Right Forward (@LeftOverForEver) May 30, 2016

Чакаецца, што ў цяперашнім сезоне Top Gear выйдзе 16 эпізодаў.

Першая серыя новага сезону (па-англійску). Відэа даступна для прагляду ў Беларусі, але можа быць заблакавана для краін ЕС.

Ніжэй, новае шоў можна параўнаць з серыяй мінулага 22 сезону. Там яшчэ ўдзельнічаюць Джэрэмі Кларксан, Рычард Хэманд, Джэймс Мэй.