Пікаса ў жаночай прыбіральні і мігранты на раскошных аўто — #ІхНоравы

Паток мігрантаў быў бесперапынным. Невялікія групы кітайцаў дастаўлялі самалётамі да вонкавых еўрапейскіх межаў у краіны (у асноўным у Сербію), куды яны заязджалі без віз. Потым іх суправаджалі на машынах праз Боснію, Харватыю і Славенію да дзяржаўнай мяжы Італіі.

Мігрантаў прывозілі ў прытулак недалёка ад Венецыі, дзе яны заставаліся адзін ці некалькі дзён, а потым адпраўлялі альбо ў раёны Італіі, альбо ў іншыя краіны Еўропы.

Мігрантаў трымалі "без усялякай магчымасці свабоднага або паўсвабоднага жыцця, без медыцынскай дапамогі, ні з чым, акрамя ложка і месца для працы на няпэўны тэрмін".

Сярод 77 мігрантаў, якія пацярпелі ад банды, былі жанчыны і падлеткі ва ўзросце ад 15 да 18 гадоў.

Капсулы ад браканьераў

У Паўднёва-Афрыканскай Рэспубліцы навукоўцы ўвялі 20 насарогам капсулы з радыеактыўнымі ізатопамі. Праект скіраваны на барацьбу з кантрабандай. Але гэтым разам — ужо экзатычных жывёл.

— Мы будзем старанна сачыць за станам і паводзінамі жывёл цягам шасці месяцаў, каб праверыць эфектыўнасць новай тэхналогіі абароны ад браканьерства, — адзначае прафесар Джэймс Ларкін. Капсулы ўводзяцца ў рогі насарогаў, што дазваляе выявіць іх з дапамогай кантрольных апаратаў, у тым ліку ў аэрапортах.

Навуковец кажа, што доза радыеактыўнага матэрыялу занадта малая, каб нанесці шкоду здароўю жывёл або навакольнаму асяроддзю. Ён таксама сказаў, што тэрмін дзеяння капсул складае пяць гадоў — пасля гэтага іх неабходна замяніць.

Амерыканскія навукоўцы прааналізавалі медыцынскія запісы амаль 400 тысяч дарослых, у якіх не было сур'ёзных хранічных захворванняў. Ім было цікава зразумець, ці зніжае штодзённы прыём полівітамінаў рызыку смерці цягам наступных двух дзесяцігоддзяў.

Замест таго каб жыць даўжэй, людзі, якія кожны дзень прымалі полівітаміны, мелі крыху больш шанцаў памерці ў перыяд даследавання, чым тыя, хто іх не прымаў.

— Уплыў полівітамінаў на павелічэнне працягласці жыцця не пацвярджаецца, — рэзюмавалі навукоўцы.

Амаль палова дарослага насельніцтва Вялікабрытаніі прымае полівітаміны або харчовыя дабаўкі раз на тыдзень ці часцей. Штогадовы сусветны рынак харчовых дабавак ацэньваецца ў дзясяткі мільярдаў долараў. У Амерыцы траціна дарослых прымае полівітаміны як прафілактыку захворванняў.

З музея — у жаночую прыбіральню

Тасманскі музей у Аўстраліі перавесіў карціны іспанскага мастака Пабла Пікаса ў жаночы туалет. Гэта адбылося пасля таго, як суд абавязаў пускаць мужчын на выставу, якая прызначалася толькі для жанчын.

Спачатку карціны мастака былі прадстаўленыя ў прасторы Ladies Lounge. Куратарка Тасманскага музея Кіршы Кечэле натхнілася досведам арганізацыі жаночых вечарынак сваёй прабабулі, якая захавала карціны Пікаса.

У красавіку мінулага года жыхара Новага Паўднёвага Уэльса Джэйсана Лау не пусцілі на жаночую выставу, і ён падаў у суд. Суддзя абавязаў галерэю пускаць мужчын. Падчас паседжанняў Кечэле заявіла, што задумка была часткай перформансу, падчас якога мужчыны мусілі адчуць на сабе дыскрымінацыю жанчын у ХХ стагоддзі.

Галерыстка знайшла шчыліну ў мясцовым заканадаўстве, якая дазваляе абмяжоўваць доступ пэўнаму колу асоб у музейную прастору.

— Гэта жаночая прыбіральня, якая цяпер вядомая на ўвесь свет. Гэта найвялікшая прыбіральня, і мужчынам не дазволяць яе ўбачыць, — дадала яна.