Польскія памежнікі зноў развярнулі сотні мігрантаў, якія ішлі з Беларусі
Польскія памежнікі зноў развярнулі сотні мігрантаў, якія ішлі з Беларусі. За апошнія суткі зафіксаваны 218 спробаў нелегальнага пераходу мяжы (напярэдадні іх было 259). Затрыманыя яшчэ шэсць чалавек, якія дапамагалі мігрантам. Адзін з праваднікоў — грамадзянін Беларусі, іншыя — палякі, азербайджанец, сірыйцы з відам на жыхарства ў Германіі.
Літоўскія памежнікі развярнулі 24 мігрантаў. Як бачым, па-ранейшаму асноўная частка мігрантаў спрабуе патрапіць у Польшчу.
27 верасня Аляксандр Лукашэнка праводзіць нараду з кіраўнікамі сілавых ведамстваў, прысвечаную сітуацыі з мігрантамі. Напярэдадні афіцыйная прапаганда пачала палохаць "патэнцыйнымі тэрарыстамі", якія пад прыкрыццём мігрантаў нібыта трапляюць з краін ЕС у Беларусь.
