З Польшчы дэпартавалі беларуса, які спрабаваў абысці забарону на ўезд у ЕС
Аэрапорт у Катавіцах / wikimedia.org
Польская памежная служба затрымала ў аэрапорце Катавіцаў 25-гадовага грамадзяніна Беларусі, якому раней быў забаронены ўезд у Польшчу і краіны шэнгенскай зоны. Пра гэта са спасылкай на Сілезскі аддзел памежнай службы расказвае выданне Most.
Беларус спрабаваў вылецець у турэцкую Анталлю. Але не змог прайсці памежны кантроль у аэрапорце, яго падман выявіўся. Каб абысці забарону, мужчына змяніў у Беларусі прозвішча, зрабіў новы пашпарт і ўжо двойчы з гэтым дакументам змог атрымаць польскую візу. З Польшчы некалькі разоў ездзіў у Германію.
Беларусу выставілі крымінальныя абвінавачанні адразу паводле некалькіх артыкулаў: у тым, што ён увёў у зман супрацоўніка консульства Польшчы (каб атрымаць візу), двойчы нелегальна перасёк польска-нямецкую мяжу і спрабаваў нелегальна перасячы мяжу ў Катавіцкім аэрапорце. Мужчыну ўручылі пастанову пакінуць Польшчу і зноў забаранілі ўезд у краіны шэнгенскай зоны на тры гады. Пад канвоем яго даставілі на мяжу і перадалі беларускаму боку.
