Прэм'ер Раман Галоўчанка: Выбіраем найбольш адэкватныя контрсанкцыі
![Прэм'ер Раман Галоўчанка: Выбіраем найбольш адэкватныя контрсанкцыі](/sites/default/files/styles/gallery_main/public/2023-08/000021_1597759474_403261_big.jpg.webp?itok=FN8tvaSS)
Прэм'ер-міністр Беларусі Раман Галоўчанка пракаментаваў увядзенне ЕС, ЗША, Вялікабрытаніяй і Канадай санкцый супраць уладаў нашай краіны. Напярэдадні стала вядома, якія фізічныя і юрыдычныя асобы трапілі ў "чорныя спісы". Таксама Еўрасаюзам рыхтуюцца эканамічныя санкцыі. "У нас дастаткова рэзерваў і рэсурсаў, мы даўно гатовыя да гэтых умоў", — цытуе словы Галоўчанкі БЕЛТА.
Беларускі прэм'ер нагадаў, што раней ужо было папярэджанне: санкцыі без адказу не застануцца.
"Цяпер адпаведная служба вывучае тэкст санкцый у дачыненні да нашых грамадзян і прадпрыемстваў, — кажа Раман Галоўчанка. — Выбіраем найбольш адэкватныя меры рэагавання з таго набору, які мы выпрацавалі і пра які даводзілі сігнал нашым партнёрам".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.