Прэзідэнт Літвы па-беларуску праз Twitter звярнуўся да кіраўніцтва нашай краіны
Прэзідэнт Літвы Гітанас Наўседа па-беларуску праз Twitter звярнуўся да кіраўніцтва нашай краіны. Ён заклікае "не запускаць не адпавядаючую патрабаванням стрэс-тэстаў ЕС Астравецкую АЭС". Наўседа лічыць, што яна нясе небяспеку для жыхароў Беларусі і суседніх краін. Пры гэтым нагадвае, што "беларусы зазналі балючыя наступствы Чарнобыля".
Кіраўніцтва Літвы ўжо не першы год выступае супраць запуску Беларускай АЭС, якая пабудавана недалёка ад мяжы з Літвой. Яно лічыць, што станцыя небяспечная, звяртаецца па падтрымку да ЕС і ЗША ў гэтай справе. У згаданым твіце Гітанас Наўседа падкрэслівае, што электраэнергію для Астраўца маглі б пастаўляць з Круоніскай ГАЭС.
У Facebook Наўседа змясціў той жа тэкст, але па-літоўску.
Беларусы зазналi балючыя наступствы Чарнобыля, таму звяртаюся да кіраўніцтва з заклікам не запускаць не адпавядаючую патрабаванням стрэс-тэстаў ЕС Астравецкую АЭС і не падвяргаць жыхароў і навакольных краін небяспецы. Круоніская ГАЭС не будзе выкарыстоўвацца на патрэбу Астраўца pic.twitter.com/czdYSBisVB
— Gitanas Nausėda (@GitanasNauseda) July 13, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
