Пуцін заявіў пра пагрозу РБ з боку Польшчы: Расія адкажа усімі наяўнымі сродкамі
На польска-беларускай мяжы / https://twitter.com/Straz_Graniczna/
21 ліпеня расійскі прэзідэнт Уладзімір Пуцін заявіў пра пагрозу Беларусі з боку Польшчы. "Польшча хоча пад натаўскім парасонам адарваць частку заходняй тэрыторыі Украіны і Беларусі, гэта небяспечная гульня", — гаварыў ён на аператыўнай нарадзе з Саўбезам РФ. Паводле яго слоў, "развязванне вайны Польшчай супраць Беларусі азначае і вайну супраць Расіі". І Масква "адкажа усімі наяўнымі сродкамі".
Пры гэтым вядома, што Польшча рэагуе выключна на дзеянні рэжыму Аляксандра Лукашэнкі, які спачатку справакаваў міграцыйны крызіс, а пасля запрасіў у краіну вагнераўцаў.
Таксама Пуцін вырашыў "нагадваць" палякам, што "заходнія тэрыторыі цяперашняй Польшчы — гэта падарунак Сталіна". А яшчэ на нарадзе ішла гаворка пра тое, што ў Заходнюю Украіну нібыта збіраюцца ўвесці польскія войскі.
