П'яная мінчанка перакулілася на аўто і паспрабавала ўцячы пешшу
У ноч на 26 ліпеня ў Мінску на вуліцы Прытыцкага ў ДТЗ трапіў "Опель", інфармуе прэс-служба ГУУС Мінгарвыканкама.
ДТЗ адбылося каля 00:10. Кіроўца не справіўся з кіраваннем і ўрэзаўся ў "Пежо", які ехаў у спадарожным напрамку. Ад удару "Пежо" выехаў за межы праезнай часткі. Пасля сутыкнення "Опель" урэзаўся ў ліхтар і перакуліўся на дах.
Выявілася, што кіроўцай "Опеля" была 36-гадовая жанчына. Яна папрасіла дапамогу ў відавочцаў і здолела выбрацца з аўтамабіля. Пасля гэтага жанчына ўцякла з месца ДТЗ.
Праз нейкі час кіроўцу затрымаў экіпаж ДАІ. Медагляд паказаў, што кіроўца "Опеля" была п'янай: канцэнтрацыя этылавага спірту ў выдыханым паветры склала 1,36 праміле.