Расія хоча купляць паліва ў Беларусі, каб памагчы беларускім НПЗ падчас санкцый
![Расія хоча купляць паліва ў Беларусі, каб памагчы беларускім НПЗ падчас санкцый](/sites/default/files/styles/gallery_main/public/2023-08/nafta-0909_0.jpg.webp?itok=sNPNK1Bl)
Каб падтрымаць беларускія НПЗ падчас санкцый, Расія можа павялічыць імпарт беларускага паліва, які апошнія гады быў мінімальным. Пра гэта піша расійскае выданне "Коммерсант" са спасылкай на свае крыніцы.
У беларускіх НПЗ пачаліся праблемы з збытам паліва, бо Украіна адмовілася ад яго з прычыны расійскага ўварвання. Яно адбывалася ў тым ліку праз беларускую тэрыторыю. Паведамляецца, што Беларусь забяспечвала 45% сукупнага імпарту бензіну на Украіну і 37% імпарту дызпаліва.
Аднак пастаўка беларускага паліва ў Расію натыкаецца на істотныя перашкода. Расійскія НПЗ за пастаўкі паліва на ўнутраны рынак атрымліваюць значныя субсідыі — так званы дэмпфер. Беларускія прадпрыемствы не маюць на яго законнага права. Без гэтых субсідыяў пастаўкі для Беларусі будуць стратнымі. Цяпер ідзе абмеркаванне, як можна было б даць дэмпфер беларускім заводам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.