Супрацоўніцу адной са школ Мінскага раёна злавілі на падробцы бальнічнага
Падробка прывяла да крымінальнай справы / sudexpert.gov.by
19-гадовую супрацоўніцу адной са школ Мінскага раёна злавілі на падробцы бальнічнага. Дзяўчына вырашыла такім чынам схаваць свае прагулы (такія выпадкі ў РБ нярэдкія).
Як паведамляе Дзяржаўны камітэт судовых экспертыз, усё пачалося з таго, што ў Мачулішчанскі аддзел міліцыі звярнуўся дырэктар школы. Паводле яго слоў, ён заўважыў, што адна з супрацоўніц падала лісток непрацаздольнасці з выпраўленай датай.
Праведзеная экспертыза пацвердзіла, што дзяўчына самастойна "падоўжыла" сабе бальнічны — выправіла 14.09.24 на 16.09.24. У міліцыі яна прызналася ў здзейсненым, сказала, што была дома ў Слуцку і ўласнаручна зрабіла змены ў дакуменце. У выніку стала фігуранткай крымінальнай справы, якую распачаў Слуцкі раённы аддзел Следчага камітэта.
