20 гадоў таму спыніў існаванне Савецкі Саюз
8 снежня 1991 года ў рэзідэнцыі "Віскулі" у Белавежскай пушчы кіраўнікі Беларусі, Расіі і Украіны падпісалі пагадненне аб стварэнні СНД.
Так званае Белавежскае пагадненне паклала канец 69-гадовай гісторыі Саюза Савецкіх Сацыялістычных Рэспублік. Прычым аб спыненні існавання СССР аб'явілі лідары тых савецкіх рэспублік, якія ў 1922 годзе яго і заснавалі. З боку Беларусі пагадненне падпісаў Станіслаў Шушкевіч.
Праз 13 дзён, 21 снежня, у Алма-Аце кіраўнікі 11 новых суверэнных дзяржаў (акрамя прыбалтыйскіх краін і Грузіі) падпісалі пратакол да Пагаднення аб стварэнні СНД.