Не стала Ефрасінні Бондаравай
Прафесару Інстытута журналістыкі БДУ было 89 гадоў.
Ефрасіння Бондарава памерла 30 чэрвеня. Яна лічыцца заснавальніцай беларускай школы кінакрытыкі і кіназнаўства. Сярод яе вучняў былі такія значныя асобы, як Ігар Дабралюбаў, Віктар Дашук, вядомыя тэатральныя і кінакрытыкі. Дзякуючы намаганням спадарыні Бондаравай у Інстытуце журналістыкі БДУ была заснавана кафедра літаратурна-мастацкай крытыкі і гэты напрамак у беларускай журналістыцы набыў самастойнасць.
