Сёння ў Ерэване адкрываецца дзіцячае "Еўрабачанне"
У сталіцу Арменіі з'ехаліся дэлегацыі з 13 краін.
Прыбыла туды і беларуская каманда. Перад ад'ездам удзельніца ад Беларусі Ліда Заблоцкая прызналася, што паспрабуе выступіць як мага лепш, паведамляе БелТА.
У дзіцячым "Еўрабачанні" ў Ерэване прымуць удзел канкурсанты Расіі, Грузіі, Украіны, Латвіі, Арменіі, Літвы, Беларусі і іншых краін. Конкурс праводзіцца з 2003 года. Сёлета канцэртная частка пройдзе 3 снежня.