У Беластоку пакажуць фільм пра беларуска-польскае памежжа (фота)
Галоўныя героі стужкі - паляк беларускага паходжання Радэк Дамброўскі і беларус з польскімі каранямі Павел Міцкевіч.
50-хвілінны фільм “Тандэмам праз памежжа” – гэта вандроўка на ровары па мястэчках і вёсках, што ляжаць па абодва бакі мяжы. Павел і Радэк паказваюць адзін аднаму свае родныя месцы і шукаюць падабенства паміж жыхарамі Падляшша і Заходняй Беларусі.
Прэм’ера пройдзе 26 студзеня ў кінатэатры “Форум” у Беластоку. Фільм падрыхтавалі творчы калектыў “PODLASIE MAKES ME HAPPY” і беластоцкі цэнтр культуры ў межах грамадскага праекта “Зубр абуджае Падляшша”.
