У Расіі разбілася беларуская велагоншчыца
Паліна Жук атрымала чэрапна-мазгавую траўму на трэку ў Туле.
Як пішуць "Тульские известия", 20-летняя спартоўка падчас спаборніцтваў у кейрыне ў рамках "Вялікага прыза Тулы" павалілася і стукнулася галавой аб бетоннае пакрыццё. Ад удару шлем раварысткі раскалоўся на часткі.
У лякарні спартоўцы зрабілі аперацыю. Стан дзяўчыны застаецца цяжкім, але стабільным. Яна знаходзіцца ў рэанімацыі.
Паведамляецца, што Паліна Жук — адна з лідарак зборнай Беларусі па веласпорце на трэку.
Фота — mk.tula.ru
