Захараў пра байкот: Не прыедуць канадцы, уся Еўропа абрадуецца!
Галоўны трэнер хакейнага клуба "Юнацтва" Міхаіл Захараў пракаментаваў магчымы байкот чэмпіянату свету 2014 года, які мусіць прайсці ў Беларусі.
"Не прыедуць канадцы і амерыканцы — і што? Мы лепш выступім! Ды ўся Еўропа гэтаму толькі абрадуецца: нарвежцы, датчане, немцы... Калі яшчэ з'явіцца магчымасць пазмагацца за медалі?", — сказаў ён у інтэрв'ю сайту goals.by.
Нагадаем, Міжнародная федэрацыя хакею можа разгледзіць пытанне аб пераносе чэмпіянату свету-2014 падчас свайго кангрэсу ў траўні. Да гэтага яе заклікаюць міжнародныя праваабарончыя арганізацыі, Еўрапейскі парламент.
Фота — bymedia.net