Сасновіч паднялася на рэкорднае для сябе месца ў сусветным рэйтынгу
Аляксандра Сасновіч паднялася на рэкорднае для сябе месца ў абноўленым сусветным рэйтынгу. Беларуская тэнісістка цяпер 29-я ракетка свету (раней яна была на 30-м месцы).
У першай дзясятцы рэйтынгу зменаў не адбылося. Лідыруе Іга Свёнтак з Польшчы. Арына Сабаленка захавала за сабой 7-е месца, Вікторыя Азаранка — 21-е.
У рэйтынгу тэнісістаў па-ранейшаму лідыруе іспанец Карлас Алькарас. Беларус Ілля Івашка займае 59-е месца.
