Сітуацыя ў Беларусі зноў будзе абмяркоўвацца ў Еўрапарламенце

У Еўрапарламенце чарговы раз абмяркуюць сітуацыю ў Беларусі. Удзел у абмеркаванні возьмуць вярхоўны прадстаўнік Еўрасаюза па знешняй палітыцы і палітыцы бяспекі Жозеп Барэль і еўракамісар па ўнутраных справах Ільва Юхансан, перадае БелаПАН.

Еўрапарламент абмяркуе сітуацыю ў краіне "праз год пасля сфальсіфікаваных прэзідэнцкіх выбараў і жорсткага задушэння пратэстаў". Прадметам абмеркавання таксама стане міграцыйны крызіс на мяжы ЕС і Беларусі.

Чакаецца, што па выніках абмеркавання Еўрадэпутаты прымуць рэзалюцыю. Галасаванне па ёй пройдзе 7 кастрычніка.

Як паведамляла Еўрарадыё, 30 верасня ПАРЕ прыняла рэзалюцыю па Беларусі, у якой заклікала афіцыйны Мінск спыніць выкарыстоўваць мігрантаў у супрацьстаянні з Захадам.