Следчы камітэт Расіі стварыў ваенны следчы аддзел у Беларусі
![Следчы камітэт Расіі / ria.ru, ілюстрацыйнае фота](/sites/default/files/styles/gallery_main/public/2023-08/sk-1606_0.jpg.webp?itok=suKPi4SD)
Следчы камітэт Расіі / ria.ru, ілюстрацыйнае фота
Следчы камітэт РФ стварыў у Беларусі ваенны следчы аддзел, паведамляе ТАСС. У расійскім ведамстве гэта патлумачылі тым, што на тэрыторыі нашай краіны размяшчаюцца вайсковыя падраздзяленні РФ.
"У сувязі з размяшчэннем падраздзяленняў Мінабароны Расіі ў Рэспубліцы Беларусь створаны ваенны следчы аддзел СК Расіі з дыслакацыяй на названай тэрыторыі", — гаворыцца ў паведамленні.
У 2022-м расійскія войскі з Беларусі вялі наступ на Украіну і праводзілі абстрэл украінскай тэрыторыі. Апошнім часам колькасць расійскіх войскаў у Беларусі істотна знізілася, аднак у ліпені ў нашу краіну плануецца даставіць расійскую тактычную ядзерную зброю. Дзярждэпартамент ЗША заявіў, што Лукашэнка саступае Крамлю ўсё больш кантролю над Беларуссю.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.