Эксперт: Расійскім дыверсантам загадалі адыходзіць са Славянска
Нібыта, загад расійскія разведвальна-дыверсійныя групы, якія знаходзяцца ва ўкраінскім горадзе, атрымалі ўначы.
Пра гэта паведаміў кіраўнік Цэнтра ваенна-палітычных даследаванняў Дзмітрый Тымчук.
Паводле яго слоў, ёсць інфармацыя, што загад адыходзіць атрымалі расійскія байцы, якія знаходзяцца ў Славянску. Пра іншыя гарады нічога не паведамляецца. Тымчук сцвярджае, што ўкраінскія сілавікі блакуюць Славянск, у тым ліку з мэтай захопу расіян.
Нагадаем, Расія афіцыйна не прызнае, што яе вайскоўцы дзейнічаюць ва ўсходняй Украіне. Украінскі бок заявіў, што ў Данецкай вобласці ідэнтыфікавалі байцоў 45-га асобнага расійскага дэсантнага палка спецпрызначэння і 2-й асобнай брыгады спецпрызначэння ГРУ генштаба Узброеных сілаў Расіі.
Фота — Reuters
