Стан прэм'ер-міністра Славакіі па-ранейшаму крытычны
Цяжка параненага Роберта Фіца адвезлі ў бальніцу ў Банска-Быстрыцу / TASR
Стан прэм'ер-міністра Славакіі Роберта Фiца па-ранейшаму крытычны, ён усё яшчэ знаходзіцца ў аперацыйнай, паведамляе ta3.com са спасылкай на міністра аховы здароўя Зузану Далінкову. Яна падкрэсліла, што ідзе змаганне за яго жыццё. Раней было неафіцыйнае паведамленне ў славацкіх СМІ, што прэм'ера паспяхова прааперавалі, ён знаходзіцца ў стабільным стане і нават размаўляе. А высветлілася, што пасля аперацыі яго ўвялі ў стан штучнай комы.
Замах на Фіца здарыўся 15 траўня ў Гандлаве, дзе праходзіла выязное пасяджэнне ўрада краіны. Прэм'ер пайшоў да натоўпу людзей. У гэты момант прагучалі некалькі стрэлаў. Стралка адразу ж затрымалі. Цяжка параненага Роберта Фіца на верталёце адвезлі ў бальніцу ў Банска-Быстрыцу, дзе і праходзіць аперацыя.
Роберту Фіца 59 гадоў. Прэм'ер-міністрам стаў восенню 2023-га. Фіца вядомы сваёй прарасійскай пазіцыяй. Летась ён аб'явіў аб спыненні паставак зброі і боепрыпасаў са складоў Славакіі ва Украіну.
