Старшыня Еўракамісіі Урсула фон дэр Ляен выехала ў Кіеў на цягніку
Урсула фон дэр Ляен на пероне ў польскім горадзе Пшэмысль / twitter.com/vonderleyen
Прэзідэнт Еўракамісіі Урсула фон дэр Леен і вярхоўны прадстаўнік ЕС па замежных справах і палітыцы бяспекі Жазэп Барэль кіруюцца ў Кіеў. Пра гэта яны паведамілі на сваіх старонках у Twitter.
На фота, якія апублікавалі еўрачыноўнікі, відаць, што яны едуць на цягніку ўкраінскіх чыгунак. Цягнік выехаў з польскага горада Пшэмысль, гэта за 13 км ад мяжы.
На шляху до Києва!
— Josep Borrell Fontelles (@JosepBorrellF) April 8, 2022
Going to Kyiv. #StandWithUkraine @vonderleyen @eduardheger pic.twitter.com/Lw8UaQUZgB
Мяркуецца, што ў Кіеве еўрачыноўнікі сустрэнуцца з прэзідэнтам Украіны Уладзімірам Зяленскім.
Высокапастаўленыя прадстаўнікі з краін ЕС ужо наведвалі Украіну пасля пачатку вайны. 1 красавіка ў Кіеве была кіраўніца Еўрапейскага парламента Раберта Мецола, а перад гэтым ва ўкраінскую сталіцу прыязджалі прэм'ер-міністр Польшчы Матэвуш Маравецкі, старшыня Камітэта ў пытаннях нацыянальнай бяспекі і абароны Яраслаў Качыньскі, прэм'ер-міністр Чэхіі Пэтр Фіяла і прэм'ер-міністр Славеніі Янэз Янша, нагадвае "Громадське".
