Тамада абакраў маладых на вяселлі ў Гальшанах
У Гальшанах тамада абакраў маладых / t.me/Neman102
На вяселлі ў Гальшанах Ашмянскага раёна 26 жніўня здарыўся прыкры інцыдэнт, паведамляе прэс-служба гродзенскай абласной міліцыі.
У адной з кавярняў гулялі вяселле. Сярод іншага прайшоў конкурс па зборы грошай "на хлопчыка і дзяўчынку". Пасля яго госці выйшлі на вуліцу падыхаць свежым паветрам. Тым часам супрацоўніца кавярні заўважыла, як тамада бярэ грошы з паўзункоў.
Яна расказала пра ўсё маладым. А тыя звярнуліся ў Ашмянскі РАУС. Падчас парверкі выявілася, 48-гадовы тамада сапраўды скраў з паўзункоў 400 рублёў.
На яго пачалі крымінальную справу за крадзеж.
