У базу "дармаедаў" уключылі чалавека з інваліднасцю непрацоўнай другой групы
Камуналка для палітуцекача з інваліднасцю вырасла ў паўтара раза / pixabay.com
У спіс "дармаедаў" у Магілёве ўключылі чалавека з інваліднасцю непрацоўнай другой групы, пішуць праваабаронцы MAYDAY. Гэта дэмакратычны актывіст Сяргей Гіркін.
У 1993 годзе яму вызначылі другую групу інваліднасці з дзяцінства (ДЦП). Мужчына быў пастаянным удзельнікам акцый пратэсту апазіцыі з пачатку 1990-х. Яго неаднаразова затрымлівалі, складалі пратаколы і штрафавалі. Каля пяці гадоў таму Гіркін пераехаў жыць у Польшчу. Ен не атрымліваў беларускую пенсію па інваліднасці, але захаваў беларускае грамадзянства.
Сёлета ў траўні яму пачалі налічваць камуналку па "тарыфах, якія забяспечваюць поўнае пакрыццё эканамічна абгрунтаваных выдаткаў". У выніку камунальныя паслугі падаражэлі прыкладна ў паўтара раза. Прычынай стаў ад'езд Гіркіна з Беларусі.
