У Беларусь прыляцеў галоўны трэнер мінскага "Дынама" Крэйг Вудкрафт (фота)

У Беларусь прыляцеў новы галоўны трэнер хакейнага мінскага "Дынама" Крэйг Вудкрафт. Фотаздымкі з аэрапорта змясціла ў Twitter прэс-служба дынамаўцаў.  

Канадскі спецыяліст ужо працаваў з беларускім клубам у 2016-2017 гадах і даволі паспяхова. Цяпер жа 49-гадовы Вудкрафт прымае каманду пасля правальнага сезону. Перад ім стаіць задача камплектавання баяздольнай дружыны, якая зможа годна выступіць у чэмпіянаце КХЛ.