У Беларусі прызналі "экстрэмісцкімі" сацсеткі дэпутата Вярхоўнай Рады Украіны
Украінскія дэпутаты і беларускія добраахвотнікі. Аляксей Ганчарэнка трэці злева / t.me/belwarriors
У Беларусі прызналі "экстрэмісцкімі" сацсеткі дэпутата Вярхоўнай Рады Украіны Аляксея Ганчарэнкі. Адпаведнае рашэнне 23 студзеня 2023-га прыняў суд Ленінскага раёна Магілёва. Тым жа рашэннем "экстрэмісцкім" прызналі YouTube-канал украінскага тэлеканала "Прямий".
Ганчарэнка — кіраўнік Міжфракцыйнага дэпутацкага аб’яднання “Дэмакратычная Беларусь”, дэлегат ад Украіны ў ПАСЕ. Ён сустракаецца з байцамі палка Каліноўскага, рэгулярна жорстка выказваецца пра Аляксандра Лукашэнку і яго рэжым. Летась у Беларусі на яго распачалі крымінальную справу.
У 2022-м Аляксей Ганчарэнка быў у эфіры Еўрарадыё.
