У Беларусі зноў даражэе аўтамабільнае паліва
Аўтамабілі ў цэнтры Мінска / Euroradio
У Беларусі зноў даражэе аўтамабільнае паліва. З аўторка, 4 чэрвеня, цэны вырастуць на 1 капейку, паведамляе "Белнафтахім". Яны будуць наступныя:
АІ-92 — 2,29 рубля;
АІ-95 — 2,39 рубля;
АІ-98 – 2,61 рубля;
Дызельнае паліва — 2,39 рубля.
У траўні "Белнафтахім" анансаваў паэтапнае падаражанне паліва на 8 капеек (штотыдзень — на капейку). Заўтрашняе падаражанне — другое. У канцэрне спасылаюцца на "істотнае змяненне кан'юнктуры нафтавага рынку" (цана расійскай нафты для беларускіх НПЗ вырасла ў 1,7 раза), якое "не дазваляе забяспечваць эфектыўную дзейнасць прадпрыемстваў нафтаперапрацоўкі на ўнутраным рынку Рэспублікі Беларусь".
Папярэдні раз цэны на аўтамабільнае паліва ў нашай краіне змяняліся 9 траўня 2023 года. Тады яно патаннела на 1 капейку.
