У Брэсце мужчына з нажом уварваўся ў офіс інтэрнэт-правайдэра (фота)
Такім чынам ён пратэставаў супраць адключэння інтэрнэта за запазычанасць. Зламысніка скруцілі самі супрацоўнікі офіса.
У Брэсце мужчына, узброены нажом, уварваўся ў офіс аднаго з інтэрнэт-правайдэраў. Ён быў раз'юшаны адключэннем за запазычанасць інтэрнэта. Мужчына пагражаў прысутным, а перад тварам спецыяліста па працы з кліентамі "размахваў халоднай зброяй".
Як інфармуе прэс-служба інтэрнэт-правайдэра, "дзякуючы самаадданым дзеянням работнікаў офіса, зламыснік быў абясшкоджаны і перададзены супрацоўнікам міліцыі".
Фота з сацыяльных сетак.
