У Брэсце на кастынг конкурсу "Міс Беларусь" прыйшла толькі адна дзяўчына
Марыя Куляшова / vb.by
У Брэсце на кастынг Нацыянальнага конкурсу прыгажосці "Міс Беларусь" прыйшла толькі адна дзяўчына. Адзінай ўдзельніцай гарадскога адбору стала 20-гадовая Марыя Куляшова з Кобрынскага раёна, піша "Вячэрні Брэст". Дзяўчына працуе настаўнікам па класе баяна-акардэона ў аграгарадку Кісялёўцы.
Паводле інфармацыі членаў журы, былі і іншыя жадаючыя, але іх прыйшлося адсеяць на стадыі падачы заявак. Асноўная прычына — прэтэндэнткі не адпавядалі па росце, які павінен быць не ніжэй 174 сантыметраў.
Фінал чарговага рэспубліканскага конкурсу "Міс Беларусь" павінен быў прайсці яшчэ ў траўні мінулага года, але з-за адмены масавых мерапрыемстваў ён не адбыўся.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
