У Брэсцкай вобласці пагрузчык "Амкадора" трапіў пад дызель-цягнік
Пераезд на чыгунцы / Ілюстрацыйнае фота sb.by
У Брэсцкай вобласці каля Янава франтальны пагрузчык "Амкадора" трапіў пад дызель-цягнік "Брэст — Лунінец". Як паведамляюць ратавальнікі, здарэнне адбылося на рэгуляваным чыгуначным пераездзе ў сераду пасля 16-й гадзіны. У цягніку пацярпелых не было, а кіроўцу пагрузчыка аказалі меддапамогу (у выніку мужчыну адправілі на амбулаторнае лячэнне).
Затрымка ў руху двух дызель-цягнікоў склала да 37 хвілін.
amkodor.by
