У Францыі суд прызнаў смерць падчас сэксу ў камандзіроўцы няшчасным выпадкам

Падчас камандзіроўкі ў Луары супрацоўнік будаўнічай кампаніі "TSO" памёр, займаючыся сэксам. Мужчына памёр ад інфаркту.

Фонд першаснага медыцынскага страхавання класіфікаваў тое, што адбылося, як няшчасны выпадак на працы, але працадаўца з гэтым не пагадзіўся. У кампаніі апелююць да таго, што смерць адбылася не ў працэсе працы, а ў вольны час, да таго ж — у чужым нумары.

Французскі апеляцыйны суд пастанавіў, што паколькі ў момант смерці мужчына знаходзіўся ў камандзіроўцы, то гэтыя акалічнасці не маюць значэння. Кампанія не змагла прадставіць доказы, што супрацоўнік перапыніў камандзіроўку па асабістых прычынах, піша bfmtv.com.