"Былі запыты на секс з гароднінай". Беларус пра досвед працы на Onlyfans

— Усе акаўнты вяліся не ад майго імені, я не згадваў, дзе я і адкуль. Само сабой, было мноства пагроз. Пісалі, маўляў, у нас ёсць твае аголеныя фатаграфіі, мы адправім іх тваім сябрам, сям'і, адправім на працу, падумай пра тое, што цябе чакае, калі ты не заплаціш.

Але рэч у тым, што пра мае захапленні ведала амаль усё маё атачэнне, нават бацькі былі ў курсе, і іх бы не здзівіла, калі б ім даслалі мае голыя здымкі. Мы ўсе — дарослыя разумныя людзі і робім у ложку што хочам.

Паводле хлопца, у сям'і нармальна ставіліся да яго захапленняў.

— Мама даведалася пра гэта выпадкова і сказала, што ёй гэта не асабліва падабаецца, але я дарослы і магу рабіць што хачу. Бывала, людзі мяне пазнавалі на ўсякіх гей-вечарынках і казалі, што бачылі ролікі са мной. Бачылі — значыць, глядзелі, глядзелі — значыць, гэта камусьці цікава, а я расцэньваю гэта як пахвалу маёй працы.

“Гэта вельмі цяжкая праца”

Арчы лічыць, што праца на Onlyfans — цяжкая. І каб дабіцца тут поспеху, спачатку трэба набрацца цярпення.

— Зрабіць нюдс — гэта проста зняць штаны і сфоткаць пеніс, а зрабіць гэта прыгожа і так, каб чалавеку спадабалася — ужо праца. Трэба выбраць позу, выбраць тэматыку, касцюм.

Часам на тое, каб зрабіць некалькі фатаграфій, ішло 4-5 гадзін. Яшчэ вельмі складана раскруціць канал, набраць аўдыторыю, прадумаць адэкватнае ўзаемадзеянне з самой платформай.

Гэта праца не для кожнага. Гэта не той выпадак, калі ты прыйшоў, выставіў свае голыя фоткі і стаў мільянерам. Не. Гэта вельмі цяжкая праца.

Калі чалавек хоча мець дадатковы заробак і ведае, як гэта прыгожа аформіць у порнаіндустрыі, то, паводле Арчы, Onlyfans — цудоўнае месца, дзе яго падтрымаюць і заплацяць. А яшчэ гэта велізарны псіхалагічны фактар для паляпшэння самаацэнкі.

— Пачаткоўцам я б параіў не быць саманадзейнымі і памятаць, што гэта вялікая праца. Шмат хто кажа, маўляў, гэта ўсё падман, на платформе немагчыма зарабіць і г. д.

Але так кажуць толькі тыя, хто не стараўся і думаў, што ўсяго можна дабіцца без поту і крыві. Яшчэ магу параіць уважліва чытаць усе дакументы, уключаючы палітыку прыватнасці і эканамічныя патрабаванні.

Пасля вымушанай эміграцыі Арчы перастаў здымаць інтымны кантэнт праз адсутнасць часу і магчымасцяў — важней было ўладкаваць жыццё ў новай краіне. Цяпер малады чалавек у шлюбе, і яго партнёр у курсе, што адбывалася ў яго жыцці раней.

— Мой партнёр нават казаў пра тое, што калі я калі-небудзь захачу вярнуцца на платформу, то ён быў бы не супраць здымацца са мной.