Ці магла б Польшча прадстаўляць інтарэсы Беларусі на мірных перамовах?

Пры гэтым, хутчэй за ўсё, прыбраць давядзецца не толькі заходнія вайсковыя сілы, але і ў тым ліку сілы ЗША. Гэта расіяне прапаноўвалі Захаду яшчэ ў 2021 годзе і пра гэта амаль у кожным інтэрв’ю кажа міністр замежных справаў РФ Сяргей Лаўроў і ягоныя заступнікі.

І сам Пуцін кажа пра тое, што трэба дамаўляцца пра ліквідацыю першапрычынаў канфлікту ва Украіне. Лаўроў жа дапаўняе яго, маўляў, першапрычынай было якраз тое, што Захад не адрэагаваў на прапановы Расіі 2021 года. Маўляў, НАТА трэба пакаваць багаж і прыбірацца з заходніх краін, у тым ліку з Польшчы. Я думаю, што гэтае пытанне можа з’явіцца зноў.

Ці падтрымае Польшча інтарэсы Беларусі?

Міхал Патоцкі кажа, што калі інтарэсы беларусаў супадуць з інтарэсамі Польшчы, дык, відавочна, Польшча нас падтрымае. Але ў якіх момантах яны могуць супасць?

— Напрыклад, калі падымецца тое ж самае пытанне вайсковай прысутнасці Расіі ў Беларусі, у тым ліку ядзернай зброі… Расія скажа: вы прыбіраеце войскі з Польшчы, а мы перавязём ядзерную зброю з Беларусі ў Смаленск. [Для Расіі] гэта амаль нічога не мяняе, але сімвалічна ёсць што прадаць Трампу. Маўляў, вось мы дамаўляемся на такі кампраміс.