У Гомелі за "экстрэмізм" судзілі дырэктара лялечнага тэатра

У райсудзе Гомеля разгледзелі адміністрацыйную справу Дзмітрыя Гарэліка — гэта дырэктар Гомельскага дзяржаўнага тэатра лялек. Падставай для разбору, як вынікае з даступнай інфармацыі, стала xастка 2 артыкула 19.11 (распаўсюд экстрэмісцкіх матэрыялаў).

Абставіны справы, а таксама якую пастанову ў выніку вынес суд праваабаронцы пакуль не ведаюць. Яны толькі адзначаюць, што Гарэлік дагэтуль указаны на сайце тэатра як дырэктар. Дадамо, што Дзмітрый Гарэлік кіруе тэатрам з 1992 года. У снежні 2023 года мясцовыя "Гомельскія ведамасці" апублікавалі інтэрв'ю з ім — казалі пра сучаснасць і будучыню тэатра.