У Хойніцкім раёне аўтамабіль наехаў на інваліда ў калясцы
У Хойніцкім раёне аўтамабіль наехаў на інваліда ў калясцы. 60-гадовы мужчына атрымаў траўмы, яго шпіталізавалі. Як паведамляе прэс-служба міліцыі Гомельскай вобласці, здарэнне адбылося на 63-м кіламетры аўтадарогі Рэчыца — Хойнікі. У нейкі момант нешта адцягнула ўвагу 43-гадовага кіроўцы УАЗа і ён не заўважыў інвалідную каляску з прывадам, якая рухалася ў спадарожным накірунку. Праводзіцца расследаванне.
На месцы здарэння / vk.com/uvd.gomel
