У калоніі ў Івацэвічах загінуў старшына ўнутранай службы
![Інцыдэнт адбыўся ў ноч на аўторак 7 снежня / Ілюстрацыйнае фота intex-press.by](/sites/default/files/styles/gallery_main/public/2023-08/volchji-nory2.jpg.webp?itok=knYTLdB2)
Інцыдэнт адбыўся ў ноч на аўторак 7 снежня / Ілюстрацыйнае фота intex-press.by
У папраўчай калоніі строгага рэжыму № 5 загінуў вайсковец, паведамляе БЕЛТА са спасылкай на ўпраўленне Следчага камітэта па Брэсцкай вобласці.
Прычынай смерці стала "агнястрэльная траўма", інцыдэнт адбыўся ў ноч на аўторак.
"Папярэдне ўстаноўлена, што 35-гадовы старшына ўнутранай службы загінуў ноччу 7 снежня ад агнястрэльнай траўмы падчас нясення службы ў ВК-5 у Івацэвічах", — заявіў намеснік начальніка абласнога УСК Сяргей Гарошка.
Па яго словах, следчыя ўжо агледзелі месца здарэння і прызначылі экспертызу. Абставіны здарэння высвятляюцца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.