У Крупках мужчына з рэўнасці застрэліў жонку і яе знаёмага
Паляўнічая стрэльба / @skgovby
Два целы з агнястрэльнымі раненнямі знайшлі напярэдадні ў прыватным сектары ў Крупках (гэта Мінская вобласць). Загінулыя — жанчына 36-ці гадоў і мужчына 39-ці гадоў.
Следчыя лічаць, што страляў муж загінулай жанчыны. Падазраваны затрыманы. Супраць яго завялі крымінальную справу паводле ч.2 арт. 139 (забойства дзвюх асоб) КК РБ. Паводле папярэдняй інфармацыі, мужчына даведаўся, што яго жонка хоча сысці да іншага. Ён узяў паляўнічую стрэльбу і застрэліў і жонку, і яе знаёмага.
