У Крыме паведамляюць пра атаку дронаў на інфраструктуру
Узгаранні ў Крыме / калаж Еўрарадыё
Кіраўнік акупацыйнай адміністрацыі Крыма Сяргей Аксёнаў распавёў аб налёце дронаў на паўвыспу. Паводле яго заяваў, мэта атакі — інфраструктурныя аб'екты.
Тэлеграм-каналы паведамляюць, што пашкоджана нафтабаза ў пасёлку Кастрычніцкае. У тым жа раёне знаходзіцца вайсковая авіябаза"Кастрычніцкае".
Людзі дзеляцца ў сеціве фота і відэа з дронамі і пажарам, які меркавана адбываецца на нафтабазе. За гэта дарадца Аксёнава Алег Кручкоў пагражае ім.
— Просім усіх, хто ведае аўтараў гэтых відэа, паведаміць пра гэтых людзей у МУС ці ФСБ, — піша Кручкоў.
